Transcription
1
Monsieur, jay receu la lettre quil vous a pleu de mescripre, ensemble le
2
paquet de lettres de monsieur d’Embrun duquel je vous mercye très humblemant.
3
Je vous ay, ces jours passés, faict entendre bien au long par la lettre que je
4
vous ay escripte et discouru avec monsieur Faure comme le faict de La
5
Mure a heureusement succedé par bonne fortune. Je my en voys tout
6
presentement et recognoistray le maulvays mesnaige qui si est passé pour
7
fère rabiller ce que lon verra y estre necessère pour le moingz que si lon est
8
assailly, quilz ayent moyen de pouvoyr combattre ; ce gaillant qui cest
9
randu aynsi meschament, faict beaucop de dessaingz. Toutesfoys, jestime
10
et vous puys presques asseurer que sa meschanceté ne reussira que à mal
11
pour luy, estant celluy qui est dedans bien homme de bien et non
12
celluy de Guillestre, mays son frerre. Comme je seray de retour, je vous
13
advertiray de tout ce que je auray veu et que jauray peu fère à laultre
14
faict duquel il vous pleust me respondre par votre precedente lettre de
15
votre main ; et en tant, je me recommanderay très humblemant à
16
votre bonne grace, priant le Createur vous tenir,
17
monsieur, en perfaicte santé, longue et très heureuse vye.
18
De Grenoble, le XIme febvrier 1574.
19
Ilz menassent le vouloir venir assaillyr.
20
Lon auroit bien moyen si ces gendarmes qui
21
sont voysins dyci se vouloyent employer
22
leur donner une bonne revue avec
23
ce que lon pourroit assembler de
24
gens de pied des garnison voysines dyci
25
Votre très humble allyé et très affectionné
26
serviteur monestier